Trier, St. Elisabeth, 1256..
Primo, quando vinum est in bono foro, habebunt pro prebenda unam sextellam, sed in caro foro minus. ltem in quatuor summis festis, die dedicationis S. Elisaliethe et in quatuor diebus per annum, quando fraternitas in hospitali peragitur, quilibet de bona consuetudine habebit parvum album panem.
Item de oleribus, pisis, pulmentariis secundum quod tempus se offert per diem et rationabilem competentiam.
Item diebus dominicis, tertiis et quintis feriis, tempore esus carnium, quilibet pro die duo competentia frusta carnis habebit.
Item aliis diebus pulmentum eorum duo ova vel modicum de caseo aut lac secundum rationem.
Item in Quadragesima quatuor dies per diem unum halecem.
Item aliis diebus modicum de pisis vel fabis assatis aut nuces vel alios fructus.
Item prebendarii, qui habent cameras speciales et foculatas, possunt in curia rationabiliter ligna accipere non nimis, sed parvum et competentem habere ignem, quod cellarius semper respicere debet, ne damnum fiat hospitali.
Item omnia illa debent fieri secundum quod redditus hospitalis per caristiam vel pro tempore per lites stent.
Item omnes predicti prebendarii fratres et sorores tenentur omni orare XXX pater noster pro omnibus benefactoribus hospitalis vivis et defunctis.
Item tenentur in Quadragesima bis confiteri et in Adventu ieiunare, qui sani sunt, tenentur ad minus in festo Paschae et Natalis Christi communicare.
Item omnino debent in hospitali esse pacifici et quieti et faceti, cum nemine habere lites nec contentiones.
Item omnino non debent iurare nec deum blasphemare et de nocte quieti esse.
Item non scurrilia verba aut turpia proferre in hospitali, quia ibidem sunt loca consecrata et reliquie.
Item nullus audeat in hospitali circa altare nudis pedibus inhoneste procedere, digestionem et urinam portare aut turpem sonum cum ventre facere.
Item fratres debent aliquando secundum possibilitatem eorum ad minus ligna ad coquinam portare, pisa et fabas mundare et in horto recolligere.
Item sorores ibidem in simi linum et canapum mundare, preparare fila, in horto inutilia extraher, olera, pisa et fabas mundare, linteamina et alia lavare et consuere.
Item omnino omnes predicti debent esse in licitis et honestis domino hospitalario, cellerario vel cui est commissum, obedientes.
Item si quis habet aliquem defectum in prebenda vel aliis, non debet habere litem neque contentiones cum familia nec cum ancillis, sed referet defectum suum ad cellerarium. Sin autem ad hospitalarium, sin autem ad dominum abbatem, vel in eius absentia ad cellerarium, qui pro tempore est in monasterio.
Textverzeichnis
