Travemünde, Heilig Geist/S. Spirito, 1400..
Borchardus Dei gratia Lubicensis Ecclesie Episcopus, Vniuersis presens scriptum inspecturis, salutem in domino sempiternam. Hec est regula, quam precepimus seruare fratribus et sororibus domus sancti spiritus in travenemunde.
Primo, ut obediant per omnia suo magistro et caste uiuant. Et proprietates non habeant, et vestes simplices habeant, scilicet griseas de lana simplici, et bouinos calceos ferant‚ specialia ieiunia non habeant, omnibus sextis ferijs Lacticinium non comedant, et omnia. ieiunia seruent, que sancta ecclesia seruat, A festo pasche usque ad aduentum domini, Dominicis diebus, tercijs feriis et quintis vtantur bis carnibus, feriis secundis, quartis, sextis et sabbatis, lacticiniis.
Item a natale domini similiter.
Item precipimus, quod fratres et sorores ac familia domus ad minus ter in anno uel sepius confiteantur sua peccata sacerdoti domus et non alii, nisi ex sua licentia, et communicent; sed fratres et sorores in assumptione beate marie et in die omnium sanctorum extra tempore commune et ieiunent ante quatuordecim diebus.
Item sic seruant horas: pro matutinis XXX Pater noster et ave maria, pro prima XV, pro tercijs Vll, pro sextis et nonis Vll, pro uesperis XV, pro completis Vll.
Item pro fratre defuncto uel sorore, si litteratus est triginta psalteria, si laicus est, CCC pater noster et soror similiter.
Item in mensa teneant silentium, et post completas, et solus cum sola non sedeat, ne aliqua possint oriri suspitia; siqui deprehensi fuerint, per tres dies in pane et aqua penitentiam agent.
Item precipimus, ne aliquis frater uel soror exeat sine licentia magistri in peregrinationem uel suam voluntatem faciendam: quicumque fecerit contrarium, facultatem redeundi ad domum non habebit, nisi per ydoneos intercessores . et insuper satisfaciat competenter.
Item precipimus, ne aliquis frater uel soror extra tempore ieiunet VI feriis et IIII et sabbatis. nisi cum licentiadomini episcopi.
Item pro vigilijs dicat XL pater noster et ave maria.
Item precipimus, ne aliquis frater uel soror cibaria cibi data alicui det amico suo uel alieno, nisi de licentia magistri, vel subtrahat occulte uel manifeste aliquid de rebus domus; quicunque deprehensus fuerit in furtu quantumcunque medico, in pane et aqua III diebus peniteat: si autem magnum furtum fuerit, uel sepius deprehensus fuerit, a domo eiciatur.
Item si frater vel soror domum exierit pro negotio domus, quodcunque apponiter eis possunt licite manducare.
Item si frater uel soror aliquem leserit uel male locutus fuerit, in VII diebus peniteat, in terra comedat panem et aquam sine mensale et cultello, panis integer et ciffus cum aqua. Similiter si frater uel soror deprehensi fuerint in fornicatione, per integrum annum peniteant, et si convicti fuerint, etiam secundis ferijs IIIItis Vltis in terra sedeant et aquam cum pane comedant, et frater coram fratribus denudetur flexis genibus et egregie uerberetur, et soror similiter coram sororibus, et infra illum annum curam fratribus et sororibus non compareant, transacto anno veniam a domino episcopo petant, et quicquid eis iniunctum fuerit seruent.
Item volumus, ne aliqua puella recipiatur infra etatem XXX annorum, nisi de licentia domini episcopi; quicunque frater uel soror recepti fuerint, annum prolutionis habeant transacto anno professionem faciant, sin autem in domo manere noluerint, soluet expensas, rebus suis restitutis, quocunque sibi placuerit vada[n]t. Post professionem autem factam nichil ei de suis rebus restituetur. Si autem mores uel vita fratris et sororis et magistro domus non placuerit et fratribus et sororibus in domo eiusdem, si manere voluerit, non manebit.
Item quilibet frater et soror in introitu suo conuiuium et consolationem faciat fratribus et sororibus, quemadmodum est conswetum. Qui autem hoc renuerit, per contemptum pro fratre et sorore minime habeatur.
Textverzeichnis
