Allen dengenen die dese letteren selen sien, scepenen ende alle die porteren gemein der stad van Bruesele, ewelec saluit in Onsen Here. Kenlec si uwer gemeinlecheit dat wi dicwile ontfaen hebben nernstelike (sic) versueke van ons eersaems vaders wegen N..., bi der gracien Gods des biscopen van Camerich, dat wi dadelike sorge geven wouden der stellingen des gasthuus Senter Claes in Bruesele, mids dien dat van sijure iersten fundatien, van der armoesen der getrouwer liede gestich (sic) ter gebruekenisse ende vermakingen der lidend armer liede, gelikerwijs dat noch ontelleke levende liede gedenken.

Waeromme dat wi, willen[de] afdoen van ons die vrese van onser zielen in deser saken ende gerect te aenhoren salege beveelnissen, hebben geconsenteert eendrechtechleken ende geset dat dat voirs. huus ende sinc besittenisse gehandelt, qehouden ende gebetert ochte gemeert selen werden bi getrouwen handen daertoe geset. Ende die per-sonen die van der almoesen dies selfs huus leven selen, selen hen religioselec hebben in habijt, in clederyngcn, in voetsel ende wandelingen ende obediencien des priester, die hen daertoe van haren oversten geset sat sijn, gelikerwijs dat in anderen religiosen gasthusen gewoenlec es, te mids dat die ere Gods daerin gehouden werde ende die porteren van Bruessel niet mogen werden met verdienten berispt van roekelosheiden.

Ende es te wetene dat die poente onder bescreven sijn, die wi willen ende onderscheden hebben dat men aldaer houde.

Soe wat propers ocht rechts een jegewelc van hen hebben sal, dat sal hi geven ende aenerven den huse des vors. gasthuus, ochte neen, men sal hem niet leveren van den goetdoen des huus.

Item, si selen dragen scapelarise ende grauwe cledere ochte brune te mids dat men se van anderen lieden alse religieuse liede van anderen lieden onderkennen mach.

Item, si en selen in geenre wijs wandelen in ontemeliken steden.

Item, si en selen niet oefcne commenscapen endu gemeinc vorwarden.

Item, si en selen niet uutgaen ter [p. 11, col. 2) stad wert, sonder sonder-Unge oerlof diesgeens dien d'orloven in dat huus be-volen es, noch si en selen niet gaen allene, maer met enen geselle : ende si selen die sakcn daer si omme uutgaen noemen ende ondec-ken ecr men hcn orlof verlenen sal.

Item, soe wanneer dat enech van hem uut dien huse van live ter doet sal, 't goetdoen van dien liuse, gelikerwijs dat hij 't ont-finc, sal altemale bi getrou-vven handen gehouden werden ende gemeert. Ende alsoe van een jegewelken die daer van live ter doot comen sal, tote diesmaels dat dat huus alsoc velc verbctert sal sijn, dat die-genc die daer woenachtech selen sijn, selen mogen, sonder gebrect (sic) ende scande, daerop gehouden sijn in religieusen abite ; ende dat men den armen lidenden lieden, 11:1 harcn staet, 't goetdoen van den huse sal geven mogen; ocht tot diesmaels dat t'vors. huus wederbracht sal sijn, met gemeinen consente dergeenre dien't anehorende es, ten iersten staet daer't toe ierstwerf gestich (sic) was ocht te beteren na dien dat hem orborlecste dunken sal in Gode.

Wi willen oec ende setten soe wie dat jegen dese statuten wederspanech ware, waer't sake dat hi eens och anderwerf daerop versocht van den priester - die hem gegeven ocht geset es voer Gode - ,ende redeleke getugenisse dies niet af en liete, dat hi dan van den goetdoene dies huus altemale soude beroeft sijn.

Item, waert sake dat iemen van den goeden des vors. huus sonder sonderlinge orlof hem diefleken aentrocke, dien soude men uut dien huse werpen omme nemmermere ten goetdoene dies huus weder te keeren.

Ende t'mids dat alle ordinancien ter eren Gods ende ter salecheit van den ziele, van dien die nu sijn ende die namaels sijn selen, ombesmetteleken gehouden werden, so hebben wi doen vesten dese jegewordege letteren met den gemeinen zegele onser stad van Bruessel.

Gegeven in 't jaer Ons Heren doe men screef dusentech tweehondert ende drie ende vijftech, in de maent van November.